Penetrasiya testi (pentest) icazə əsasında aparılan nəzarətli hücumdur. Mütəxəssislər veb saytınızı, tətbiqinizi və ya şəbəkənizi real hücumçunun istifadə edəcəyi üsullarla yoxlayır və tapılan boşluqları hesabatda təqdim edir. Məqsəd problemləri hücumçulardan əvvəl tapmaqdır.
Avtomatik skanerdən fərqi
Avtomatik skanerlər məlum boşluqları tez tapır, amma məntiqi səhvləri görmür: məsələn, bir istifadəçinin başqasının sifarişinə baxa bilməsi və ya ödəniş addımını ötüb keçə bilməsi. Belə problemləri ancaq sistemin necə işlədiyini başa düşən mütəxəssis aşkar edir.
Nə vaxt lazımdır
- Yeni sistem və ya tətbiq istifadəyə verilməzdən əvvəl.
- Böyük yeniləmədən və ya yeni modul əlavə olunandan sonra.
- Şəxsi, ödəniş və ya maliyyə məlumatları emal edilirsə.
- Tərəfdaş, sifarişçi və ya tənzimləyici qurum bunu tələb edirsə.
- Ən azı ildə bir dəfə, müntəzəm yoxlama kimi.
Test necə keçir
Əvvəlcə testin hüdudları və qaydaları yazılı razılaşdırılır. Sonra test aparılır, tapılan boşluqlar təhlükə dərəcəsinə görə qruplaşdırılır və aradan qaldırılması üçün tövsiyələrlə birlikdə hesabata yazılır. Düzəlişlərdən sonra yoxlama təkrarlanır.
Coresoft-dan dəstək
Coresoft veb saytlar və veb tətbiqlər üçün penetrasiya testləri aparır və tapılan boşluqların aradan qaldırılmasında kömək edir. Bu xidmətdən yararlanmaq üçün bizimlə əlaqə saxlayın.
