Mobil tətbiq sifariş etmək qərarı veriləndə söhbət çox vaxt dizayn və funksiyalardan başlayır. Halbuki layihənin uğuru ondan əvvəl verilən qərarlardan asılıdır. Təcrübəmizdə bu beş sual ən çox fərq yaradır.
1. Tətbiq hansı problemi həll edir? İstifadəçi tətbiqi niyə yükləməli və niyə telefonunda saxlamalıdır? Cavabı bir cümlə ilə demək olmursa, ideya hələ tam formalaşmayıb.
2. Sayt kifayət etmirmi? Bəzən mobil ekrana yaxşı uyğunlaşdırılmış sayt eyni işi daha sərfəli görür. Bildirişlər, kamera, GPS və ya internetsiz iş kimi imkanlar lazımdırsa, tətbiq daha doğru seçimdir.
3. Android, iOS, yoxsa hər ikisi? Bu, auditoriyanızdan asılıdır. Flutter və React Native kimi texnologiyalar hər iki platforma üçün tətbiqi bir kodla yığmağa imkan verir və xərci azaldır.
4. Tətbiqin arxasında nə dayanacaq? Demək olar ki, hər tətbiqin server hissəsi olur: API, verilənlər bazası və admin panel. Bu hissə də əvvəlcədən planlaşdırılmalı və büdcəyə daxil edilməlidir.
5. Buraxılışdan sonra kim dəstək verəcək? Android və iOS hər il yenilənir, tətbiq mağazalarının tələbləri dəyişir. Tətbiqin müntəzəm yenilənməsi və texniki dəstəyi əvvəlcədən razılaşdırılmalıdır.
Coresoft-dan dəstək
Coresoft Android və iOS üçün mobil tətbiqlər hazırlayır: ideyanın təhlilindən və dizayndan başlayaraq mağazaya yerləşdirməyə və sonrakı dəstəyə qədər. Bu xidmətdən yararlanmaq üçün bizimlə əlaqə saxlayın.
